Позеленевший Ferrari: как выглядит первый электроспорткар бренда

Bentley, Ferrari, Lamborghini: люкс автомобиллар свалкаси - видео

454
(Янгиланган 18:54 17.10.2020)
Минглаб люкс классдаги автомобиллар ва суперкарлар Дубай яқинидаги саҳрода ҳеч кимга кераксиз ҳолатда ётибди. Машиналар нега свалкага келтириб ташлангани ҳақида видео сюжетда томоша қилинг.

Бу автомобиллар кимлар учундир - ахлат бўлса, яна бировлар учун - ҳақиқий хазина. Дубай яқинидаги Шарджа свалкасида люкс тоифасида минглаб ҳашаматли автомобиллар тўпланган: бу ерда Bentleyдан тортиб, Ferrari, Rolls Royce, Maseratiларни учратиш мумкин. Майдонда ҳатто қимматбаҳо седанлар саналмиш Mercedes ва BMW ёки ҳатто Tesla электромобилларига кўзингиз тушади.

Машиналардан бири бу ерга авариядан сўнг келтириб ташланган, сабаби оддий, бой соҳиблари уларни тузатишни истамаганида. Бошқа автомобиллар эса ўз эгалари молиявий муаммолар туфайли Амирликларни тарк этишганидан сўнг бу ерга келтирилган.

"Айрим автомобиллар бу ерга дунёнинг турли бурчакларидан келтирилган, айримлари - банк билан боғлиқ муаммолар, хусусан, кредитлар туфайли", - дея ҳикоя қилади свалкада ишлайдиган ходимлардан бири.

Гарчи жазирама ва чанг туфайли автомобиллар заводдан чиққан вақтидаги ҳашаматли кўринишни маълум маънода йўқотсаларда, аммо харидорлар барибир топилмоқда. Люкс тоифадаги автомобилни кимошди савдосида энг юқори нархни таклиф этган ҳолда харид қилиш мумкин. Американинг Copart компанияси, Баҳрайннинг ўзида уч мингга яқин жабрланган автомобилларни сотишни режалаштирган.

454
Лаборанты обрабатывают флаконы для новой вакцины от коронавируса AstraZeneca

AstraZeneca вакцинаси синовларида қатнашган кўнгилли вафот этди

111
Ҳужжатда "этик мулоҳазалар ва махфийлилик сабаблари туфайли" ўлим сабаблари очиқланмаган, шунингдек, кўнгилли плацебо ёки фаол препарат олганлиги ҳақида ҳам маълумотлар келтирилмаган.

ТОШКЕНТ, 21 окт — Sputnik. Бразилия соғлиқни назорат қилиш бўйича миллий агентлиги - Anvisa - Британия AstraZeneca компанияси ва Оксфорд университетининг коронавирусга қарши вакцинаси синовларида иштирок этган Бразилия фуқароси вафот этганлиги ҳақида хабар берди.

Назорат органи баёноти G1 порталида эълон қилинган.

Ҳужжатда "этик мулоҳазалар ва махфийлилик сабаблари туфайли" ўлим сабаблари очиқланмаган, шунингдек, кўнгилли плацебо ёки фаол препарат олганлиги ҳақида ҳам маълумотлар келтирилмаган.

AstraZeneca G1га вакцинани синовдан ўтказган кўнгилли ўлими бўйича расмий позицияга эга эмаслиги ва ушбу маълумотга изоҳ бермаслигини маълум қилган.

Anvisa маълумотига кўра, вакциналар синови хавфсизлигини баҳолаш бўйича халқаро қўмита ушбу ҳодиса бўйича ўтказилган тергов ишларидан айрим маълумотларни тақдим этган ва синовларни давом эттириш таклифини илгари сурган.

Бразилия ОАВлари "халқаро суриштирув билан боғлиқ манбаларга таяниб" хабар беришларича, COVID-19 асоратларидан вафот этган кўнгилли плацебо олган.

Ушбу ҳолатга Оксфордда изоҳ беришди. Хусусан, университет расмий вакили вакцина хавфсизлигини, унинг синовлари давом эттирилишини маълум қилган.

"Ушбу масала Бразилияда синчковлик билан ўрганилгач, клиник синовлар хавфсизлиги борасида ташвиш юзага келмади. Бразилия регулятори хулосаларига қўшимча равишда ўтказилган мустақил суриштирув ишлари синовларни давом эттиришни тавсия этди", - дейилади баёнотда.

111

Қирғизистонда порахўрларга пулларни бир ойда ғазнага қайтаришга муҳлат берилди

296
(Янгиланган 19:02 21.10.2020)
Қирғизистонда иқтисодий афв эълон қилинди. Президенти вазифасини бажарувчи порахўрлардан ноқонуний йўл билан топилган даромадларини давлат ғазнасига қайтаришни талаб қилди.

ТОШКЕНТ, 21 окт — Sputnik. Қирғизистон президенти вазифасини бажарувчи, мамлакат бош вазири Садир Жапаров порахўрлардан ноқонуний йўл билан топилган даромадларини давлат ғазнасига қайтаришни талаб қилди ва уларга 30 кун муҳлат берди.

“Менга берилган ваколатлардан фойдаланиб, расман иқтисодий афв эълон қиламан. Афвдан мақсад, давлат бюджетини тўлдириш, хусусан, қўшимча ресурслар топиш. Жиноий схемалар тузган, оддий халқ ҳисобига бойлик орттирган порахўрлар, сизларга 30 кун вақт бераман! Барча топганларингизни давлат ғазнасига қайтаришингизни талаб қиламан! Давлатдан ноқонуний йўл билан олинган ҳар бир тийинни ихтиёрий равишда жойига қўйинг. Яширин мулк ва пулларингиз ҳақида очиқ маълумот беринг. Маълум қилинган мулк ва даромадларингиз дахлсизлигини, барча турдаги жазолардан озод бўлишингизни кафолатлайман”, – деган мурожаатида. Sputnik Қирғизистон мурожаатнинг тўлиқ матнини нашр этган.

Унинг сўзларига кўра,  иқтисодий авф фақат бир марта қўлланилади, бошқа имконият бўлмайди.

“Бу халқ талаби! Бу менга мамлакат тақдирини ишонган кишилар мақсади”, - дея сўзларини якунлаган Жапаров.

5 октябрь куни Бишкекда парламент сайловлари натижаларидан норози бўлганларнинг норозилик намойишлари бошланди. Намойишлар тезда тартибсизликларга айланиб кетди. 6 октябрь куни МСК сайлов натижаларини ҳақиқий эмас деб топди ва такрорий парламент сайловларни 20 декабрга белгилади.

296