Нефтяное пятно

Нефтда миллиардлаб номаълум вируслар аниқланди - Хитой олимлари шокда

1131
(Янгиланган 19:50 19.11.2020)
Хитойлик олимлар нефт қудуқларида ўрганилмаган кўплаб қадимий вирусларни топдилар. Тадқиқотга кўра, бир миллилитр нефтда 400 миллион вирус мавжуд. Уларнинг тахминан 1% (100 дан ортиқ) герпес қўзғатувчиси бўлиб, улар тирик-хўжайинсиз яшай олмайди.

ТОШКЕНТ, 19 ноя — Sputnik. Хитойлик олимлар нефт қудуқларида ўрганилмаган кўплаб қадимий вирусларни топдилар, деб хабар қилди The South China Morning Post газетаси.

Олимлар бу бактериялар қандай қилиб ёнувчан суюқликка тушиб қолганини билмайди.

Тадқиқотга кўра, бир миллилитр нефтда 400 миллион вирус мавжуд. Уларнинг тахминан 1% (100 дан ортиқ) герпес қўзғатувчиси бўлиб, улар тирик-хўжайинсиз яшай олмайди.

Шэньяндаги Хитой Фанлар академиясининг амалий экология институти профессори Чжан Иннинг сўзларига кўра, касаллик қўзғатувчилари қадимги ер ости организмидан келиб чиқиши эҳтимолдан йироқ. Тахминан, вируслар ташқи дунёдан тушиб қолган бўлиши мумкин.

Айрим янги турдаги герпес ҳайвонларга ҳам, одамларга ҳам юқиши мумкин. Баъзи вируслар терида яра ва пуфакчаларни келтириб чиқаради, бошқалари эса асаб тизимининг бузилиши каби жиддий оқибатларга олиб келиши мумкин.

"Номаълум турларнинг улуши анча юқори бўлиши мумкин. Тадқиқотимиз - фақат биринчи қадам", - деди Чжан.

Айни пайтда мутахассислар вирусларни ўрганишни давом этмоқда, улар одамлар учун "янги коронавирус" га айланиши мумкинлигини аниқлашга ҳаракат қилмоқда.

Нефт тадқиқотлари тасодифан бошлангани йўқ. Хитойда ёнувчан моддаларга бўлган талабнинг ошиши сабабли кўплаб тажрибалар ўтказилмоқда. Бундай усуллардан бири - хом нефтга бактерияларни қўшиш.

Кўпинча микроорганизмлар мойли суюқликка тушиши биланоқ нобуд бўлди. Олимлар бу ҳодисанинг сабабини аниқлашга қарор қилишди: натижада бактерияларни йўқ қиладиган жуда кўп номаълум вируслар аниқланди.

1131
Меган Маркл

"Бу ҳақда гаплашиш муҳим": Меган Маркл боласини йўқотгани ҳақида сўзлади

254
Меган Марклнинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

ТОШКЕНТ, 25 ноя - Sputnik. Британия шаҳзодасиГаррининг турмуш ўртоғи Меган Маркл яқинда боласидан жудо бўлди, у бу ҳақда The New York Timesдаги колонкада маълум қилган.

Маълум бўлишича, бу июль ойида юз берган, аммо герцогиня Сассекскаянинг ҳомиладорлиги ўша вақтда кенг жамоатчиликка маълум қилинмаган эди.

"Ўғлимни каравот остидан олиб чиқиш олдидан сочларимни "хвост" қилиб йиғдим. Унинг таглигини алмаштириб, кескин титроқни ҳис қилдим. Мен у билан полга ётиб, иккимизни ҳам тинчлантириш учун алла айта бошладим, аммо куйнинг оҳанги ич-ичимдан сезаётган ҳавотирли туйғуга сира мос эмасди. Биринчи фарзандимни бағримга маҳкам қучган вақтимда, иккинчисини йўқотаётганимни англадим. Орадан бир неча соат ўтгач, касалхона койкасида турмуш ўртоғимнинг қўлидан ушлаганча ётардим. Мен унинг ёпишқоқ кафтини сезардим, кўз ёшларимиз ёмғиридан нам бўлиб кетган бармоқлари бўғинларидан бўса олдим",  деб ёзади Меган.

Унинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

"Хонадаги юз аёлдан 10-20 нафари боласидан ҳали у туғилмай жудо бўлган. Аммо, ушбу оғриқнинг лол қолдирувчи умумийлигига қарамасдан, у ҳақда гапириш (мутлақо асоссиз) уятга қоришиб кетган табулигича қолмоқда, фарзандини йўқотган аёл бу мушкулотни танҳо енгишга ҳукм қилинмоқда", - дея хотима қилган у.

Эслатиб ўтамиз, 2019 йилнинг май ойида британия шаҳзодаси Гарри ва унинг рафиқаси Меган Маркл ва ниҳоят янги туғилган фарзандларини кўрсатишган эди.

Меган Марклнинг ўғли - Арчи Маунтбеттен-Виндзор тахт ворислари линиясида еттинчи ўринни эгаллади, у қиролича Елизавета иккинчининг саккизинчи эварасидир.

254
Американский эсминец Джон Маккейн

Британия газетаси АҚШ кемаси туфайли “жаҳон уруши хавфи” ҳақида хабар қилди

577
(Янгиланган 18:48 25.11.2020)
Россия қирғоқлари яқинида Америка ҳарбий кемаларининг ҳаракатлари жаҳон урушигача бўлган хавфли оқибатларга олиб келиши мумкин - Daily Express.

ТОШКЕНТ, 25 ноя — Sputnik. Россия қирғоқлари яқинида Америка ҳарбий кемаларининг ҳаракатлари жаҳон урушигача бўлган хавфли оқибатларга олиб келиши мумкин, деб ҳисоблайди Daily Express журналисти Пол Уитерс. РИА Новости хабарига асосан.

Мақола муаллифининг сўзларига кўра, сўнгги кунларда АҚШ денгиз кучлари билан боғлиқ иккита муҳим воқеа юз берди: хусусан, 23 ноябрь куни “Donald Cook” ҳарбий кемаси НАТОнинг ҳарбий операцияси доирасида – “денгизда хавфсизликни таъминлаш" мақсадида Қора денгизга келди. Куни кеча эса "John McCain" кемаси Буюк Пётр кўрфазидаги Россия чегарасини ноқонуний кесиб ўтди.

"Учинчи жаҳон уруши хавфи Россия ҳарбий кемаси Америка ҳарбий кемасини ҳайдаб юборгандан сўнг яна авж олди, бу эса Москванинг ишонтиришича, кема Буюк Пётр кўрфазидаги Россия чегарасини ноқонуний кесиб ўтди", - дейилади мақолада.

Эслатиб ўтамиз, куни кеча Тинч океан флотининг "Адмирал Виноградов" катта кемаси Буюк Пётр кўрфазида АҚШ ҳарбий-денгиз кучларининг "John McCain" эсминеци томонидан Россия Федерацияси давлат чегарасини бузганлик ҳолатини қайд этди.

Россия ҳарбийлари АҚШ кемасини ҳайдаш учун таран маневридан фойдаланишлари мумкинлиги айтилди. Шундан сўнг "John McCain" кемаси нейтрал сувга қайтиб кетди.

577

Россия Қозоғистондаги полигонда янги ракетани синовдан ўтказди

0
(Янгиланган 14:25 26.11.2020)
Ракета синовлари Қозоғистондаги “Сари-Шаган” полигонида ўтказилди. Россия Мудофаа вазирлиги бу ҳақда видео лавҳа тақдим этди.

"Янги ракетага қарши ракета ўз хусусиятларини ишончли тасдиқлади, жанговар экипаж шартли нишонга белгиланган аниқлик билан зарба бериб, вазифани муваффақиятли бажарди", - дейилган Мудофаа вазирлиги хабарида.

Сўнгги марта октябр ойининг охирида айнан шу полигонда янги қурол синовидан ўтказилгани ҳақида хабар берилган эди. Бунгача, 2019 йилда ва 2017-2018 йилларда ракета учирилганди.

0