Турк ҳарбийлари тез орада Озарбайжонга йўл олади

568
(Янгиланган 13:25 21.11.2020)
Туркия қуруқликдаги кучлари машғулотларни якунладилар ва тез орада Озарбайжон ҳудудида вазифаларни бажаришга киришадилар, дея баёнот қилди Туркия мудофаа вазирлиги раҳбари Хулуси Акар.

ТОШКЕНТ, 21 ноя - Sputnik. Турк ҳарбийлари тез орада Озарбайжонга йўл оладилар, деб баёнот қилди Туркия Мудофаа вазири Хулуси Акар.

"Тез орада бизнинг аскарларимиз Озарбайжонга ўз бурчини адо этиш учун йўл оладилар. Пиёда қўшинлари тайёргарликни якунладилар", - дея иқтибос келтирган Anadolu агентлиги вазир сўзларидан.

Сал олдин Туркия президенти Тоййиб Эрдоған мамлакат парламентига ҳарбийларни Озарбайжонга юбориш тўғрисида қонун лойиҳасини йўллагани ҳақида маълум бўлган эди.

Илгарироқ Арманистон, Озарбайжон ва Россия Қорабоғда 10 ноябрдан ўт очишни тўхтатиш режими тўғрисида қўшма баёнотни эълон қилишган эди. Регионга аллақачон россиялик тинчликпарварлар киритилган. Эрдоғаннинг айтишича, Туркия ва Россия Тоғли Қорабоғда тинчлик битими устидан назорат бўйича марказ ҳақидаги меморандумга имзо чекишган.

Ўз навбатида, РФ президенти матбуот-котиби Дмитрий Песков Қорабоғ бўйича музокараларда минтақада Россия ва Туркиянинг қўшма тинчликпарвар кучлари жойлаштирилиши мавзуси ҳеч қачон музокараларда муҳокама этилмаганини кўп бора таъкидлаган.

Россия ТИВ раҳбари Сергей Лавров ҳам Туркиянинг ҳарбийлашган тинчликпарвар бўлинмалари Тоғли Қорабоғга йўналтирилмаслиги, аммо Анқара вакиллари Озарбайжонда жойлашган мониторинг маркази доирасида вазиятни барқарорлаштиришда иштирок этишаётганига эътибор қаратган эди.

Қорабоғда ўт очишнинг тўхтатилиши

Ўнинчи ноябр куни Кремл матбуот хизмати Арманистон, Озарбайжон ва Россия президентларининг шу кундан бошлаб Қорабоғда ўт очишни тўхтатиш тўғрисидаги қўшма баёнотини эълон қилди. Озарбайжон ва Арманистон ҳарбий ҳаракатларни тўхтатиш, эгаллаб олинган позицияларда тўхташ ва ҳарбий асирлар билан ўзаро алмашиш мажбуриятини ўз зиммасига олишмоқда. Ереван Келбажар, Лочин ва Агдам туманларини Бокуга қайтариши керак.

 

Бундан ташқари, минтақага Россиянинг 1960 ҳарбий хизматчилари, 90та бронетранспортерлар, 380 дона техника кўринишидаги тинчликпарварлари киритилмоқда. Улар Қорабоғ ва Лочин коридорида жой олган.

568
Меган Маркл

"Бу ҳақда гаплашиш муҳим": Меган Маркл боласини йўқотгани ҳақида сўзлади

252
Меган Марклнинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

ТОШКЕНТ, 25 ноя - Sputnik. Британия шаҳзодасиГаррининг турмуш ўртоғи Меган Маркл яқинда боласидан жудо бўлди, у бу ҳақда The New York Timesдаги колонкада маълум қилган.

Маълум бўлишича, бу июль ойида юз берган, аммо герцогиня Сассекскаянинг ҳомиладорлиги ўша вақтда кенг жамоатчиликка маълум қилинмаган эди.

"Ўғлимни каравот остидан олиб чиқиш олдидан сочларимни "хвост" қилиб йиғдим. Унинг таглигини алмаштириб, кескин титроқни ҳис қилдим. Мен у билан полга ётиб, иккимизни ҳам тинчлантириш учун алла айта бошладим, аммо куйнинг оҳанги ич-ичимдан сезаётган ҳавотирли туйғуга сира мос эмасди. Биринчи фарзандимни бағримга маҳкам қучган вақтимда, иккинчисини йўқотаётганимни англадим. Орадан бир неча соат ўтгач, касалхона койкасида турмуш ўртоғимнинг қўлидан ушлаганча ётардим. Мен унинг ёпишқоқ кафтини сезардим, кўз ёшларимиз ёмғиридан нам бўлиб кетган бармоқлари бўғинларидан бўса олдим",  деб ёзади Меган.

Унинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

"Хонадаги юз аёлдан 10-20 нафари боласидан ҳали у туғилмай жудо бўлган. Аммо, ушбу оғриқнинг лол қолдирувчи умумийлигига қарамасдан, у ҳақда гапириш (мутлақо асоссиз) уятга қоришиб кетган табулигича қолмоқда, фарзандини йўқотган аёл бу мушкулотни танҳо енгишга ҳукм қилинмоқда", - дея хотима қилган у.

Эслатиб ўтамиз, 2019 йилнинг май ойида британия шаҳзодаси Гарри ва унинг рафиқаси Меган Маркл ва ниҳоят янги туғилган фарзандларини кўрсатишган эди.

Меган Марклнинг ўғли - Арчи Маунтбеттен-Виндзор тахт ворислари линиясида еттинчи ўринни эгаллади, у қиролича Елизавета иккинчининг саккизинчи эварасидир.

252
Американский эсминец Джон Маккейн

Британия газетаси АҚШ кемаси туфайли “жаҳон уруши хавфи” ҳақида хабар қилди

569
(Янгиланган 18:48 25.11.2020)
Россия қирғоқлари яқинида Америка ҳарбий кемаларининг ҳаракатлари жаҳон урушигача бўлган хавфли оқибатларга олиб келиши мумкин - Daily Express.

ТОШКЕНТ, 25 ноя — Sputnik. Россия қирғоқлари яқинида Америка ҳарбий кемаларининг ҳаракатлари жаҳон урушигача бўлган хавфли оқибатларга олиб келиши мумкин, деб ҳисоблайди Daily Express журналисти Пол Уитерс. РИА Новости хабарига асосан.

Мақола муаллифининг сўзларига кўра, сўнгги кунларда АҚШ денгиз кучлари билан боғлиқ иккита муҳим воқеа юз берди: хусусан, 23 ноябрь куни “Donald Cook” ҳарбий кемаси НАТОнинг ҳарбий операцияси доирасида – “денгизда хавфсизликни таъминлаш" мақсадида Қора денгизга келди. Куни кеча эса "John McCain" кемаси Буюк Пётр кўрфазидаги Россия чегарасини ноқонуний кесиб ўтди.

"Учинчи жаҳон уруши хавфи Россия ҳарбий кемаси Америка ҳарбий кемасини ҳайдаб юборгандан сўнг яна авж олди, бу эса Москванинг ишонтиришича, кема Буюк Пётр кўрфазидаги Россия чегарасини ноқонуний кесиб ўтди", - дейилади мақолада.

Эслатиб ўтамиз, куни кеча Тинч океан флотининг "Адмирал Виноградов" катта кемаси Буюк Пётр кўрфазида АҚШ ҳарбий-денгиз кучларининг "John McCain" эсминеци томонидан Россия Федерацияси давлат чегарасини бузганлик ҳолатини қайд этди.

Россия ҳарбийлари АҚШ кемасини ҳайдаш учун таран маневридан фойдаланишлари мумкинлиги айтилди. Шундан сўнг "John McCain" кемаси нейтрал сувга қайтиб кетди.

569

Россия Қозоғистондаги полигонда янги ракетани синовдан ўтказди

0
Ракета синовлари Қозоғистондаги “Сари-Шаган” полигонида ўтказилди. Россия Мудофаа вазирлиги бу ҳақда видео лавҳа тақдим этди.

"Янги ракетага қарши ракета ўз хусусиятларини ишончли тасдиқлади, жанговар экипаж шартли нишонга белгиланган аниқлик билан зарба бериб, вазифани муваффақиятли бажарди", - дейилган Мудофаа вазирлиги хабарида.

Сўнгги марта октябр ойининг охирида айнан шу полигонда янги қурол синовидан ўтказилгани ҳақида хабар берилган эди. Бунгача, 2019 йилда ва 2017-2018 йилларда ракета учирилганди.

0